Koi samjha nahin, ye mehfile duniya kya hai,
Khelta kaun hai aur kis ka khilauna kya hai.

Do ghadi ro lenge, ehbaab tere ghar wale,
Phir hamesha ko bhula denge, tu samjha kya hai.

Baad marne ke hua, bojh sabhi ko maloom;
jald le jayo abb is dher mein rakhha kya hai.

Shauk ginane ka ho, to apne amalon ko gin;
Teri ginti hi nahi, daulat ko tu ginta kya hai.

Main wo shay hoon, jise chhoo loon usey sona kar doon,
main to paras hoon, tu paras ko parakhta kya hai.